Tipet e Karakterit sipas Wilhelm Reich

Sipas Wilhelm Reich, karakteri i njeriut formohet si rezultat i mënyrës se si individi përshtatet me konfliktet emocionale dhe me kufizimet e vendosura gjatë zhvillimit. Ai zhvilloi konceptin e strukturave të karakterit, të cilat nuk janë thjesht tipare psikologjike, por modele të ngulitura në trup, emocion dhe sjellje.

Reich besonte se këto struktura nuk ekzistojnë vetëm në psikikë, por edhe në atë që ai e quajti "armatura (mburojë) karakteriale" dhe "armatura muskulore". Sipas tij, emocionet e papërpunuara mbeten të ngulitura në trup përmes tensioneve kronike muskulore.

Më vonë, autorë si Alexander Lowen, John Pierrakos dhe David Boadella i zgjeruan dhe i zhvilluan më tej këto struktura në psikoterapitë trupore moderne.

Është e rëndësishme të theksohet se në praktikën bashkëkohore shumica e njerëzve nuk i përkasin vetëm një strukture të vetme; zakonisht kanë një strukturë dominuese dhe elemente nga disa struktura të tjera. Për këtë arsye, këto tipologji përdoren më shumë si mjete për të kuptuar organizimin e personalitetit sesa si kategori të ngurta diagnostike.

Në traditën e psikoterapisë reichiane dhe neo-reichiane zakonisht përmenden këto 8 struktura kryesore të karakterit:

1.Schizoid (Skizoid)

2.Oral

3.Psychopathic (Psikopatik)

4.Masochistic (Mazokist)

5.Hysterical (Histerik)

6.Compulsive (Kompulsiv)

7.Narcissistic (Narcisist)

8.Rigid (Rigjid)

Arsyeja pse shpesh dëgjojmë vetëm për 5 struktura është se në traditën e Bioenergjetikës së Alexander Lowen u konsolidua modeli me pesë struktura kryesore:

Skizoid

Oral

Psikopatik

Mazokist

Rigjid

Ndërsa "histeriku", "kompulsivi" dhe "narcisisti" në disa autorë trajtohen si nënlloje ose variante të këtyre strukturave bazë, jo si struktura të pavarura.

Për shembull:

Karakteri histerik shpesh konsiderohet variant i strukturës rigjide.

Karakteri narcisist shpesh shihet si variant i strukturës psikopatike.

Karakteri kompulsiv shpesh lidhet me aspektet kontrolluese të strukturës rigjide ose mazokiste.

Prandaj nuk kemi kundërshtim mes "5" dhe "8" strukturave. Varet nga autori dhe shkolla teorike:

Reich-i në shkrimet e tij përshkruan më shumë tipe karakteriale.

Lowen dhe shumica e terapive trupore moderne i grupojnë ato në 5 struktura bazë.

pergatiti: Yll Avdijaj